قصيدة الخطلاء

قصيدة الخطلاء
القصيدة التي أدتها فرقة الهيل في مسابقة الخطلاء الأولى للشعر النبطي و هي من كلمات الشيخ ماجد السليمان التركي ؛ الخطلاء هي ناقة تخص عشيرة التركي.

حِنا .. بِني .. تركي الملقب ... بالعَورْ
قرمٍٍٍ من الماضي يهز جبالَها
في .. ظِلمة التاريخِ شيد لهْ ... قصرْ
في .. ديرةٍ ..كلٍ بغى منزالها
جدرانه العزة و أسباب الظفر
ريفَ الضعيف و مزبنٍٍٍ لرْجالها
نحلم على عِفن الرجاجيل بصبر
صغرٍ بهم لا عجْز عن إشعالها
وان قدر الله وان طِمع فينا بشر
الضبعة العرجا تبِر عيالها
نعطي الفرايد دون قيسٍ أو قدر
يوم ان بعض الناسِ تحسب مالها
ما ننسي المعروف حتى لو صِغر
نجزي على النفلة عديد امثالها
نعطي الرجال حقوقها خير وشر
حتى الأعادي ... نشهد بأفعالها
والجار يلقى عندنا عز و فخر
انشد عن الخطلا وش اللي جا لها