أنا واليل وصرخاتي

!cc]صدى الحرمــآن ..]!



أنا والليل وصرخاتي يرددها صدى الحرمان
أنا انشلت احاسيسي واسجل حزني مرثيه

حسبت بغربة سنيني ابلقا عندك التحنان
أمل ظامي بدفا وقتي أمل باحلام ورديه

انا رحلة عذاب وصمت تصلح للشقا عنوان
اخط حروفها بدمي وفوق سطور وهميه

أنا عشت الألم لوحه ما ترسمها يد الفنان
أكيد انا اللي بس اقدر اترجم همي بيديه

تحداني زماني وصرت اسيرة حزني والاشجان
جروح من الألم تنزف وانا اقول أنها عاديه

اصور لك معاناتي وحصيلة عمري الظميان
واوصف لك مشاويري على عكاز فضيه

وكلما حدني وقتي وشافتني عيون انسان
تسابق دمعتي الخطوه واصير للناس سخريه

لهيب انفاسي يحرقني وصوتي ترده الجدران
اخذت من قسوة الدنيا مشاعر غير عاديه

يذكرني انين الموج بخطواتي على الشطآن
وأعزف من ظنى حروفي على أوتار رمليه

أنا من جرح دمعاتي اغمض ورمشي الحيران
تعودت الظلام وصرت اعيش بليله منسيه

●•

!99]عمر الظروف..]!

عـمـر الـظروف
مـا ساعدت قلبي الجريح
أخـشى كـثير الأختيار
يمكن يكون ما هو صحيح
يـمكن تكون غلطة عمر
و لا الهوى أصبح محال
و أرجـع لـقلبي أعتذر
وأقول كان و هم و خيال

**
!99]صديقتي..]!

صـــديـــقــتــي
صـديقتي .. مـا قـلت لك
ان الـلـيـالي الـمـظلمة
تـضحك على جرح الصدى
وانـت فـي عـالمك البعيد
صـديقتي .. مـا قـلت لك
مـن يـوم اخـلفتي الوعد
رجـعت لاحـزاني وانـا
والـوقت .. جـلاد وعبيد
صـديقتي .. مـا قـلت لك
انــي احــس وافـتـهم
واشـعر بـكل كلمة .. تمر
تـبقى مـثل .. وهج الجمر
تــحــت الــرمــاد
لا هـبـت الـنسمة يـقيد
صـديـقتي .. مـا قـلت
صـديقتي .. مـا قـلت لك
تـصـرفـاتك مـؤلـمـة
والـقسوة في .. بعد الصدى
صارت ..في كل لحظة تزيد
صـديـقتي ردي عـلـي
صـديـقتي .. صـديـقتي
اكـيـد مـاعـندك عـذر
والـــصـــمــت ..
تــعـذيـب جــديــد ..!!!

●

!99]مآآفضع الخوف..]!

ما أفضع الخوف والشوق الذي فيني
من يوم غبت اسكنوا في داخل عظامي

والصوره اللي في ذاكرتي تناديني
والورده اللي تنام في دفتر أحلامي

اتعب انا حيل وتتعب مني سنيني
واركاب عمري تلملم باقي أيامي

يامضيع العمر ... للذكرى مخليني
يستاحش العمر لا من غاب الهامي

أروي جفاف ... وجفاف الدهر يظميني
وادوس وجه الحزن واسابق أعوامي

ما خاب ظني وحلم الغيث يدعيني
امشي لو الشوك يجرح ناعم اقدامي

وأواصل الدرب وكل خطوة تبكيني
ويعز دمعي وأنا الموعوده بآلامي

وما افضع الخوف والشوق الذي فيني
من يوم غبت اسكنوا في داخل عظامي

•

!99]جرح الصداقه..]!

كلما جيت ابا اجمع ما بقلبي انكسرت
ما خبر قلب ترجيته الأمان ولا كسرني

شلت جرح المحبه فوق جرحي صبرت
آه يا كم أعاني من شعور عسرني

من تجاهل شعوري عن لقاه إعتذرت
طية ذي صفاتي ما حد قد جبرني

إن ربح غيري ولا أنا ما خسرت
ألقى ربحي بنفسي والغبي اللي خسرني

كل درب خذلني باهجره إن قدرت
و وين ما جيت ابامشي صوت قلبي نهرني

داخلي قلب طفله ما كبر لو كبرت
كل ما قلت أعاند باللطافه أمرني

**

!99]اخر المشوار..]!

بدا يسألني وش حالك وأدوّر للألم أعذار
إذا ضاق المدى فيني .. وملت دمعتي عيني
ش أقول وخطوتي صارت على درب الملا تذكار
ش أقول ونظرة الشفقة على نفسي تبّكيني
ولا عكازتي .. تقدر تواصل .. آخر المشوار
تعبت من الصبر حتى تهاوت رحلة سنيني
تحملت الألم في صمت أعاند قسوة الأقدار
يا كل الكون ليه أنته في حضن الشوك ترميني
تصّورتك تساعدني على ظلم الزمن لي دار
شكيت أو ما شكيت أدري بأنك صعب توحيني